1,    上次囡囡係醫院時, 因為要吊鹽水, 所以佢隻手插左喉

       咁就有支鐵柱吊住包鹽水. 個時抱佢去聞氣都好煩要推

       埋支柱去, 之後囡囡想自己行, 咁佢識得渣住支鐵柱黎行,

       十足成個醫院阿伯咁.....後尾到佢拆左喉, 姐係唔洗再吊..

       佢係地行都係渣住支柱行....真係頂佢唔順....仲要有一次

       阿公帶佢去吉之島行街..佢見到有支同醫院差唔多既柱..

       佢都要渣住行...阿公話唔洗啦...佢先唔渣住....

 

2,    咁有一晚我呢個懶玩既爸爸同班 frd 打緊機, 囡囡要訓..

       佢要捉埋我返房佢先肯訓, 咁我見有d時候, 咪諗住扮下訓

       "乙水" 下佢, 等佢訓左我先出去繼續打機. 咁我見佢好似

       訓著, 咁就搵張被搭住扮有人, 之後靜雞雞鼠出去打機, 點

       知我一坐底..個女就行左出黎叫我返房...入到房媽媽話, 佢

       一聽到我出去既聲, 佢就坐左係床, 之後揭開張被, 發現冇

       人, 就落左床....咁我唯有...再扮訓, 個心又心急, 驚班 frd 等

       太耐, 之後我見佢又好似訓著就同樣動作出去打機...又點知

       都未坐底...媽媽已經係房叫出黎, 咁我又唯有返入房, 媽媽話

       你一出左去, 佢又坐左係床, 之後又揭開張被..又發現冇人,

       之後就, "me" 開個奶咀, 仲"依依梁梁" 咁講野...好似鬧"你個

       爸爸又偷偷地出去玩,唔訓...." 咁 .. 呢個囡真係好似管家婆咁

       又時佢想我訓...會靜雞雞埋黎息左我部機架......

 

3,    又有一日我放工...因為陪媽媽去買野, 所以夜左返, 返到門口,

       有 d 唔妥, 因為平時, 我一返屋企一開門, 佢都會叫我一聲"爸爸"

       之後就返入房羅條褲比我著, 但係今次冇播...咁我跟佢入屋啦,

       點知我一入去, 佢就指住個鐘, 麻麻話...佢話我夜返窩.....

 

4,   今日....個囡..無啦啦識係房羅底衫褲..放係次所..比我沖涼.......

 

 

最近聽到d朋友問我個女點, 唔...真係好多謝佢地既關心.

好啦, 就送上一近照, 多謝晒.

 

 

本應有d生活趣事同d相想放, 點知自己懶掛住玩冇整到 :p hehee

今晚啦, 今晚返屋企先攪攪....

剛才收到老婆個 msn 係一條 link 黎, 唔..睇完都眼濕濕..好心"up"

諗返起, amelie 出世個時既情境, d 手腳插晒喉, 訓係個膠箱入面.

做父母真係唔容易.個種憺心仔女既心情真係要做過父母既先知

感受到, 感受到個種牽腸掛肚切膚之痛個種骨肉親情.當子女受苦

時願意獻出自己既一切來交換...

 

                     ~願天下父母既子女都可以平安地成長~

其實 Amelie 係醫院都幾多好得意既野

不過唔講住...我都去訓啦...遲d見你地

有興趣想知先講啦, 拜拜

我去羅藥個時都嚇食...咁多藥..仲有2支係雪櫃冇影到..

..星期六凌晨12點幾入...住到星期二先出院...

我都估唔到要住咁耐....其實我都媽媽都陪佢

過夜...大家都好擔心唔知會唔會又會發作.

醫生過佢係發高燒由至抽筋, 所以對眼會向上

同口唇變黑, 我咁有奏仔經驗都未見過.....

醫生話佢試過一次, 都會好易會有第2次,

叫我地小心d處理佢發燒, 一燒就比退燒藥佢

食...其實諗返轉頭, 好彩媽媽有同囡囡買到保險.

如果冇...我諗都唔知政府醫院會唔會比佢留院..

可能比d藥佢食算...就算如果比入都驚餐死啦,

政府好似唔比陪病人過夜...如果真係入左政府

佢地d醫生又保守到唔會講咁多野你聽, 咁做父

母既唔驚就有鬼啦.....

 

囡囡真攪笑...佢自己識查住吊住鹽水支柱行黎行去..

 

....星期五早上, 因為amelie d 傷風咳好似仲未好. 都仲咳

咁媽媽同婆婆朝早都買囡囡去搵陳醫生, 初時姑娘叫入

去囡囡都好聽話自己行入去,仲晦坐係醫生側邊,比醫生

檢查, 不過當醫生叫佢去聞下氣之後,佢好似嬲左醫生咁

指住佢谷埋快面...估唔到"明明"咁得意..之後以為冇咩野

啦, 照樣比佢倀藥, 點知到左12點幾, 食完藥抱返去訓個時,

訓左一陣,佢突然叫左一聲同埋個身跳左兩跳,之後見佢對

眼剩係向上斜埋一邊, 冇反應, 咁我就跟佢望佢望既方向睇

下, 又唔見=有野, 之後發覺唔妥, 囡囡冇斬到眼, 對眼冇晒神,

身體保持同一姿態之後出房求救, 睇下公公婆婆知唔知咩事,

 公公抱住"明明"都六神無主, 我開始見到囡囡咀口唇變黑...

個時好驚, 媽媽,姨姨係側邊係咁叫"明明"咁,好似驚佢暈左

唔醒想叫醒佢,之後我打電話報警, 而媽媽就打左比陳醫生,

 後尾婆婆返轉佢, 拍佢背隻, 咁拍拍下佢好似好d 識咳兩下.

 之後我地好快咁執好行裝, 點知去到 lift 口囡囡又好似之前咁,

 好彩今次好快冇事, 我地去到街口救傷車先到, 咁我地上車, 咁

D 醫護人員 cheak 下佢心跳呀個d, 覺得都冇咩唔正常, 後尾

我地要求去左聖保祿醫院. 到左之後姑娘幫佢檢查, 冇耐

陳醫生都到左, 咁我地去攪入院手續...呢個假期..我地就係

醫院過啦......