你話睇我呢個blog幾咁正架啦. 同一個blog 有2個

 BB 睇,大件夾底食啦~~~ 下面有十八針窿既照片.

...真係好殘忍.....

以下相片係麻麻偷影返黎既訓覺相..

 

尋日我地成家總動員去搵六美美悔氣, 佢先肯還返d相.

哼~~~~~ 都算佢幾聽話肯乖乖咁羅返出黎, 如果唔係 !

嘿嘿嘿~

- 警告以下內容可能會令到不安, 敬請家長留意 -

 

禽晚同 3個 frd 去睇左 slient hill, 本應攪唔成架啦...

後尾互就..先掂...睇完只可以講係一種回味...回味

打機個 d個環境同 d 怪, 個劇情就....其實同原注好

唔同, 佢今次將 sh1 同 sh2 d 怪出埋一齊, 變左忽略

左原注既深度, 好似戲裡女警第一次見到個隻怪,

其實係sh2 個度出黎, 宜個隻怪既形態係由sh2 男主

角 james 內心厭惡醫院患病既死人而做出黎, 所以

見到個 d 怪都係好似比個裸屍既膠袋入住, 仲要係

流血...佢係套戲度出..真係唔知佢想點...其實 sh 個

故事我真係覺得幾好, 我講隻 game , 睇得出作者用

左好多心機, 裡面有好多相, 海報, 畫, 新聞都係同故

事同埋一d真係發生過既事有連串.同埋玩個時真係

好好好驚...d 音效, 光暗, 環境做得好好, 好配合.

講返套戲, 我只係覺得佢係環境,同d怪做得好..個故

事就唔得啦...走晒樣, 我都唔明個導演諗咩...明明

條路線行緊帶緊 d 觀眾入去個氣氛度, 點知忽然

講返佢老公.......即刻破壞晒 d 氣氛... 需然佢用返

game 個 d 音樂不過點都好似爭d咁...不過好彩.....

我唔係同老婆睇呢套戲, 因為呢套戲始終走唔出西

片恐怖片既元素...就係一味血腥同核突, 我老婆唔

鐘意睇呢d野...

 

死啦..講講下收唔到口, 唔爭在講埋 MI-iii, 套戲基

本上都估到晒結局, 邊個內奸, 不過劇情都叫緊湊,

而我最欣賞既就係佢數十下就殺湯既老婆個度,

我覺得好細緻, 睇得到由1 - 10人唔同既反應...

 

好啦....唔講....講戲應該去我個 frd 四郎度既.......

呀...下個星期同老婆睇埋 x-men 先, 呵呵~~~

今晚同老婆睇 mi3 , 其實今個月好多戲都想睇,

slient hill 啦, 達文西啦, x-men啦~ , 本來 slient hill

想搵我個寫影評個個 frd 睇, 呢姐係 好友連結個個

天草四郎-時貞, 不過呢個衰仔話, 要一上就睇.....

你知啦, 我呢d有家室既人點可以一個星期出咁多

次街...所以......希望達文西有frd同我睇啦~

 

點解slient hill 想搵佢睇 ? 因為大家都有打過個隻game

 

 

 

媽媽...我又紅晒啦...快d幫我茶藥膏啦...

因為呢輪都冇人肯做攝影師.......

part-time 個個 六美美(green), 影左

相又唔交出黎......所以相片欠俸...

請各位讀者見諒...

 

PS: 如任何人等見到, 途走的六美美

      請通知...交還相片...

老婆今朝 msn 我... 落 order...話我要係度講

囡囡識做咩動作播....咁好啦, 點都要講下..

 

動作名稱           注解

================================================

拜拜                   故名思意, 緊係拜拜啦..唔洗解釋啦呱...

 

打娃娃               用手背放係嘴前,手較活動做成開合動

                           作, 然後發出娃娃聲. 因為用隻手打下打

                          發出娃....娃...娃...娃...娃, 所以叫"打娃娃"

 

好野                  姐係拍手掌.

 

give me five       同佢講"give me five"佢會伸隻手出黎,等

                          你伸返隻手出去同佢激掌.

 

暫時係咁多...遲d有再加.....

個日聽阿媽講, 話佢個外孫女, 姐係沙奈呀, 我個女個表妹.

係日本打 BB 要打個 d 針, 一次要打成 18 支 !!!!!  見到佢手

臂仔有 18 個針窿 ... 我聽到之後嚇死..... 有冇攪錯呀, 要打

18支 打瘋狗針咩......? 咁細個人仔.......要打咁多支針....

好在係香港唔洗打咁多, 我同老婆仲同個女係出面 d 私家

醫生打 d 六合一 打少幾支添.

個日同太太去吉之島行街街, 都唔知點解....

去襯街都淨係諗住買野比個女....

咁好自然行左去嬰兒部, 不過都冇咩野好買,

佢好似咩都有啦已經...咁跟手行埋玩具部.

見到有個玩具,老婆覺得囡囡實鐘意,個個玩具

就係有個吹氣既波波,下面有條繩綁住個會發聲

既野, 一睇嘩..要成兩舊幾水......正諗緊買唔買比

佢個時, 老婆話不如就咁買個吹氣既波波比佢算啦~

"叮!" 又係播, 結果買左個吹氣既波波, 都只係$9.9

用少好多既資源就有相同既效果既功能, 果然合

乎經濟原則呀下!~ 咁睇波個時, 見到一d吹氣既

水池, 個心已經好想買返去之後放個女落去玩.

呀....估唔到個時諗下姐..隔左日就買左返黎.....

因為我唔想斷氣既關係...所以順手買埋個腳踏

"bom"氣器....最多腳跛 only .....之後仲 call 埋

囡囡 d 姨媽, 大姨媽 , 舅公 , 舅婆, 太婆, 一齊睇佢

游水, 嘩個水池真係幾大播...用左 6 盆水 d 水都係

到腳眼..放左囡囡落去, 佢玩得好開心, 游左廿個池.....

下次等天氣熱 d 再落多 d 水比佢玩過~

 

PS: 如果各位親友想一齊落水都可以架~