我對聽歌既感覺好奇怪, 我唔會因為因為邊個唱得好聽, 就會鐘意個一個歌手.

我都係憑感覺, 感覺首歌既歌詞比唔比到一個岩我既感覺, 其實呢類既感覺,

好難講得明, 就好似你鐘意一個人咁, "Love is blind" . 如果真係要數歌手, 我會

話我鐘意既有譚詠麟同郭富城, 我諗譚詠麟係因為我細細個時身邊既人成日聽.

潛移物化既關係. 而郭富城我就覺得因為佢好努力, 所以我鐘意佢. 但係最近..

我發覺, 我鍾意既歌都有一個共通點, 真係我最近先發覺...填詞人係林夕, 我真係

估唔到...原來佢既心思咁 touch 到我既心靈.

 

何為【 朋友 】?  起初我以為以善去交友, 就係朋友之道, 一切要為朋友有好既得著為中心.

例如佢做左一d錯事, 我會叫佢唔好再錯落去, 就好似我初中時有一個朋友, 佢有一次偷左野,

我知道後叫佢唔好偷野, 話佢聽咁係唔岩. 我一路都係以咁既方式去同d朋友相處. 直到我睇

左志雲飯局劉德華個個飯局, 講到原來佢想要既朋友, 係一個無論做左咩事既人都支援佢.

唔係想要一個法官, 同佢分是非黑白令我即刻諗起之前一個朋友同我講過類似既話,“朋友唔

體諒我仲話我錯.”到底同朋友相處之道應該係點 ?  我就嘗試下問身邊既朋友, 睇佢地點睇.

發覺..個個都好理想, 義不容辭, 肝膽相照 掛晒係口邊. 但係我對呢d態度都好有疑問, 或者我

未明白個中意義. 朋友有困難係應該幫忙, 咁到底係點幫忙呢 ?  係我十八歲個年, 有個朋友

問我借錢落仔. 我個時都冇問佢d乜, 佢自己講比我聽好大獲,  我個時就借左我份雙量比佢.

到底..我咁做係咪叫義不容辭, 肝膽相照呀 ? 還是我係縱容佢包庇佢 ? 事後, 我自己都有內垢,

感覺好似幫兇. 有人同我講, 呢d人唔會係自己既朋友, 但係我又唔明白..咁你識佢之前就已經

知道佢係咩人 ? 我覺得唔可能的. 我唔識預知未來. 我估計唔到我身邊既朋友會發展成點. ,

你只可以係發生事後選擇同唔同佢地再維持呢個關係. 我宜家睇緊星雲法語, 睇下會唔會有

d 新既理念產生. http://www.fgs.org.tw/master/mastera/library/2003-hsingslogan/9401-03/050310.htm

 

不過唔講唔知, 本來睇【 朋友 】呢兩個字好簡單小學已經識, 原來個個人既底層領會係唔同.

聽過好多講朋友既歌詞都係講朋友係好野黎!“情同兩手一起開心一起悲傷彼此分擔總不分

我或你.”“大家舉杯痛飲　大家一再互勉.” 到底係我地對【 朋友 】呢樣野各有要求呀 ?

還是要符合某d條件先叫【 朋友 】呢 !?

 

 

 一見到要填呢d野個時, 其實之前都冇諗過.

見到呢輪新聞成日講咩 14歲女神童入大學呀,

又九歲神童呀, 睇完之後我又冇諗過要妳做d咩做d咩,

其實我希望妳開開心心慢慢咁成長.

每次當妳走埋黎用雙小手攬住我個頭同佢快

面痴住個時, 我就覺得好開心, 好溫馨. 作為父親

既我係想妳能夠有一個自由既空間去發展.

我會帶妳去睇呢個世界不同又美好既事物.

令到妳有一個充滿多姿多彩既童年.

令到妳學會用一顆快樂既心去面對將來發生既事物.

 

 

 

禽晚個個輔助教師上左我屋企點貨.  點d咩 ? ohhhhh

係播...我好耐冇寫 Blog..所以你地都唔知發生咩事...

好啦由頭再講起...8月頭度會展有個 BB 展, 起初我同

老婆入去係想買一套 GC reader 比個女睇, 因為個女對

佢裡面 d 野好有興趣, 睇佢網頁個時好開心 http://www.gc.hk/

行下行下, 見到一 d 1 set 過既教材. 姐係咩 廸士尼個 d.

咁我地見一場黎到去聽下, 咁我地第一間聽既就係 http://www.noddy.com

咁個個教材指導姐係上面講個個教師. 同我地講左好多野

關於小朋友, 其實之前我地都知d架啦, 不過再聽下冇壞.

咁佢當中提過幾樣野我覺得我地好應該諗下. 其實一套完整

既教材係會好過散件一忽一忽咁買, 起碼個小朋友有熟悉感,

唔係一陣就米奇老鼠, 一陣又 Hello Kitty. 其實同埋我同我老婆

好多時都唔知一d好既技巧去教 Amelie. 有時唔係冇心機或者

冇時間教佢, 我相信如果加埋一個好既方法個效果會更加好.

小朋友係 1 歲至 3 歲個時個腦發展符好快, 所以學野係特別好d

係呢3年學到既野可能更勝之後個十年學既野. 咁點解我唔係呢

個時候好好教佢, 令佢係之後既路行得順 d 呢. 正因為咁, 我地前

之既打算開始有重新盤算. 聽完之後我地試下用呢個新方向, 去再

聽下其他 1 set 過既教材, 最後我地都覺得 Noddy 既方法同教材

係最岩我地心水. 所以就選擇左 Noddy. 不過最大既問題, 係係我度

到底我願唔願意,有冇恆心用呢套教材去教 Amelie 呢, 呢個先係關鍵.

我份人係唔可以一心二用, 我一做個樣野,就好專注全情投入. 所以

如果我要教佢就要停止其他我既娛樂. 我都有做好咁既準備.

平時玩開既 online game 我已經停左 payment, 亦都同 d frd 講左我會

唔玩. 好啦. 咁 Noddy 係星期三 已經送到左係我屋企, 我返到屋企個時,

見到 Amelie 異常興奮. 到左星期四個位指導教師上左黎, 講解同教我地

點用同點教 Amelie. 其中有一編野係要我地講下我地選擇左 Noddy 之後

對 Amelie 有 d 咩期望.....唔唔開個新 Topic 講下先 !