| 32 的个人资料Amelie 成長印記照片日志列表 |  工具  帮助 |
|
3月27日 開始唔識用 windows live blog ....由於冇用左一段好長長長長既時間....已經唔識用....
其實又係個句... 去新個度啦 ! 有 update http://hk.myblog.yahoo.com/hknl32
事實証明..留係度真係心淡..成年都係得個1千幾百人, 我 yahoo 個邊已過 4千... 12月11日 經過試用唔唔, yahoo 個 upload 相個 functio不過n 冇 msn 咁好, 要逐個逐個簡相, 唔似 msn 可以一次過簡晒.
不過我諗都幾大機會轉過去, 因為個度人流多....呢度真係拍烏英...
 12月9日 Yahoo 真西利, 好野~12月6日 萬般帶不走, 唯有ming隨身!禽晚約左老婆去睇鞋, 本應都冇諗住買鞋, 點知個朝早發現個對買左半年度既GEOX
個鞋底穿晒窿..都唔知有冇攪錯...我咁大個仔著過d鞋都未試過個鞋面咁新淨,而個鞋
底係穿窿既...咁老婆到左call我落去, 我諗住如果帶埋mingming去試鞋好唔方便, 於是
我就靜靜雞換晒衫, 開門出去, 閂門同mingming講 byebye. 之後同老婆行左陣, 電話響.
原來係麻麻打電話黎...話mingming又要去街窩..o下..我人都落左黎啦...唔通又返上去
奏 mingming 落過黎咩...唯有同mingming講今次唔記得帶mingming, 爸爸買包餅你食
補數啦...下次會記得帶埋你架啦. 之後老婆話,睇黎都撇唔甩 mingming 架啦, 去邊到
都要帶埋佢..... 12月3日 休閒的一天今日同 mingming, 媽媽, 婆婆去西環攪 d 野, 之後因為婆婆有野做所以入左去赤柱,
咁我, mingming 同媽媽去左沙灘個邊, 咁媽媽同mingming 一齊除左對鞋落沙灘行下,
至於我呢就嘆下係正街買既桑寄生蓮子蛋茶. 唔.....好似北角個檔好飲 d , 北角個間
飲落去個胃有樣舒服既感覺, 正街呢間冇同埋佢好咁甜下... 我一路嘆一路望住佢地
兩母女. 我記得第一次去沙灘 mingming 唔敢行落 d 沙度. 初初 mingming 都唔敢架.
不過今次媽媽鼓勵之下佢都好勇敢行左落沙玩得好開心, 仲去浸腳添, 我食完之後
都忍唔住, 除左鞋走落去, 嘩..唔係嘛...咁吉腳既, 都唔明佢地兩個點解行到咁遠, 仲
咁開心.....下...你個傻妹..仲咩張d沙灑係自己個頭度....玩左陣, 婆婆都做完野返黎啦,
都係時候走啦, mingming 玩到唔想去添, 好啦下次再帶妳去沙灘玩啦 mingming 乖呀
下.
ps : 衰在個相機冇電.... 11月29日 生意不濟係 msn 經營左都年幾....生意都係麻麻...聽講 yahoo 個度好多人睇
唔...等我都係個邊開檔, 實行2台聯播. 睇下反應點先.
ps: yahoo 個邊開始研究緊, 我睇點都要一頭半個月........
廸士尼開心之旅終於到左去廸士尼既日子啦~~ 個日我同老婆約埋綠姨一齊去接阿ming放學.之後我地一齊去豐澤買返
張 xd 卡諗住可以影多d相, 點知個間豐澤冇得賣窩 唉之前太大安主意啦, 唯有自己行多幾步去下一間
買啦, 叫佢地返屋企等. 嘿嘿, 好彩呢間有 1G , $208 攪掂, 我上到屋企已經背隻濕晒, 要換返件底衫..
好! 個個都 ready 啦~ 去樓下求奇食D野就 GO~GO~GO !!!!
嘩..車程都幾耐...由於時間關係, 我地跳到欣澳站. 都幾方便, 好似平時轉車咁行過對面就有車去廸士尼
啦. 等左一陣架廾黎啦, 唔唔..冇比想像中靚...我以為個車頭都係米奇老鼠頭添. 不過入面都有比心思,
d 手環係米奇黎. 連個播音都話帶你去奇妙世界, 哈哈都幾配合呀.
好啦到站, 都幾靚播個車站. 出左車站見到一大片廣場都幾大呀.
ohhhh 係播廸士尼好似有規矩唔比帶野飲架播, mingming 快d 飲晒 d 茶啦.
呀一入到去有個哥哥比左d 貼紙比 mingming 播, 嘩開心死啦.
之後冇耐有廣播話有巡遊呀. 咁我地等左陣, 終於出啦. 嘩好多人跳舞, d 女仔個個好似差唔多樣咁...
嘩好大隻米奇老鼠呀. 有白雪公主同灰故娘播...點解都係西人黎既....佢地d巡遊又做得幾細緻, 果然
專業呀. 不過我都擔心個喇叭係正d 演員附近, 遲d聽覺會有問題. ..
呀..個女咁快訓著左...唔唔, 呵呵, 咁係時候我地幾個去玩啦. 婆婆話個個叫飛越太空山最多人玩, 以前要排4,5個鐘先
玩到, 叫我 地去試下. 咁我地3個, 我, 老婆同綠姨就去排隊啦, 見到人地去機度羅飛, 我地又去羅, 羅左先知我地傻仔
左....個個係 fastpass 黎...~_~ ...咁綠姨就問會唔會好刺激架, 咁我就好自然咁答佢廸士尼 d 遊戲比細嘔仔玩邊會好刺
激架, 最多我估佢咪位係架車度, 之後架車唔郁個背景郁羅. 咁我地就繼續排啦, 咁去到尾段我老婆同我講, 話後面個
女人成日搵個胸頂佢...咁我聽到咁我就好快咁"ship" 位用我個背囊擋住, 嘩....佢都幾堅廷下..真係頂埋黎...我透過個
背囊依然感覺到d野.. 呼...終於甩難, 到我地上車, 衣? 架車真係會郁架播....唔唔唔...死..唔對路..點解架車會向上行架
呢....連綠姨都驚到冇眼睇..... 呢一刻我知道大獲...oh !#$%....救命.....我最怕呢d野...唯有用我生平既絕學 [ 蟹式 ] , 係
咩黎 ? 咪用對腳撐住對角, 對手攬實支柱, 然後對眼緊合, 用身體既感覺, 跟隨架車一齊擺動...好彩..終於到站, 落車
時仲有腳部浮浮既感覺....有冇攪錯...我前面個6,7歲靚妹仲可以咁瀟灑....真係羞家....
返到出去, 原來 mingming 醒左啦播, 好我地去森林個邊玩先.
Wa~~~ 有船坐, ming ming 最鐘意 boat 架啦, 好! 我地一齊去試下呢個水上旅程先. 掛隊~~有3條隊架播, 分國語,英文
同廣東話, 第一個直覺更係排廣東話啦. 唔唔..點知廣東話最多人...早知排最少人既英文啦...等左6班船先到我地. 我
地坐到係船頭都好近個女船長, 你知啦船頭可以先睹為快同埋最主要係上船之前有個 warning 話有機會濕身, 唔理
佢係咪真定靠嚇, 痴住個船長冇死, 段估佢唔會整濕埋自己呱 ! 咁開船之前個女船長都講左d 開場白之後, 我地就正
式航行. 呀呢個女船長講d野又幾好播, 生動有趣又有笑容, 不枉我地等咁耐, 唯一缺點係冇前面架船講國語個個女
船長咁靚姐.我唔係偏幫佢架, 你試下一星期 5 日每日講20次, 講同樣既說話, 睇你仲有冇咁好笑容. 你去飲茶係門唉
咪個位小姐好多都會西口西面啦. 廸士尼好野, 真係夠專業. 好啦第一站係睇象有大象小象咁羅. 前面有隻會噴水...
唔! 唔係播佢噴得幾高播, 照推測我地一定會中招播. 喂喂船長大人, 咪掛住講, d水停左啦, 快d開船衝過去啦.....加速
啦..又想噴啦...嘩..好彩只係濕左少少. 之後仲經過河馬呀, 蛇呀, 蜘蛛呀, 土人個d地方, 到左一個唔知咩博士既營地,
應該係泰山個個故事,比d馬騮霸佔左, !!!! 嘩 隻馬騮開槍打中個炸彈, d水撇入黎呀....媽媽即刻搵個背隻頂住, 好在
mingming 都冇點濕. 跟住去到一個話咩水神同火神既地方......大獲啦...前面d水彈到 2樓咁高...呢次實會嚴重濕身......
係呢個時間個女船長話要改道. 真係一個好消息....終於可以脫險...都唔明點解 d 水都係向左面噴, 如果你地冇風摟
千其唔好坐左邊..... 上左岸之後我地諗住去中間個島度睇下, 點知行行下有個獅子王睇, 因為呢個節目有時間性,
反正時間咁岩我地就入左去睇啦.初初都諗住唔岩睇就走, 點知出奇地精彩, 個個係真人歌舞劇, 內容係講個女祭
司為左慶祝 simba 做左獅子王搵d人重演 simba 既經歷. 今次呢個歌舞劇比起當年我追我老婆時睇個套吸血彊屍芭
蕾舞劇好睇好多好多好多.....
睇完之後我地行去城堡個 part, 諗住同 mingming 玩旋轉木馬. 咦! 見到 winnie the pooh 個機動遊戲播, 唔今次醒目啦,
羅左 d fastpass, 之後去玩第2d 先, 夠鐘再返黎玩. 我地等左一陣就有得玩旋轉木馬啦, 咁媽媽同ming ming 一齊, 我就
係隔離隻馬度同佢地影相, 婆婆同綠姨就坐係馬車度. 唔...唔掂播, 我太近 mingming 啦, 好難影, 之後我就落左馬, 去
左佢地前面同佢地影, 點知......被公作人員唉咪... : 個位先生請返去兩隻馬既中間...個位先生... 之後唯有返返原位啦,
所以係木馬度d 相都係麻麻地. 我地玩完就問 mingming 驚唔驚呀 ? mingming 答我地話 "冇驚" . 之後仲指住小飛象
話要玩個 d. 嘩..會升高架播..我都好擔心 mingming 安全. 所以我同佢講, 話帶你去玩, 不過你一定要坐定定, 唔准郁
唔准企係身. 咁佢話好, 咈我地就排隊玩啦, 我同媽媽都夾好左, mingming 坐係我地中間, 我就坐開面. 好起飛啦
mingming 真係好乖唔郁, 不過媽媽就好百厭...佢攪個支升高升低個支棍...升到最高...我話唔好攪啦...我驚.... ming
ming 聽到都叫媽媽唔好攪, 咁我就暗地裡張個支棍拉返低...不過都冇用...因為到最後...一定係飛到最高.........玩完
之後, 我地又問 mingming 驚唔驚呀, 佢既答法一樣..冇驚...哈...係咪 d 細路唔識驚呢...我就驚到想快d完..
之後我地見仲有時間不如去坐下火車, 快d啦..架火車就開..咁我地去追火車, 就係呢個時候...婆婆叫左一聲,
原來佢追到連隻鞋都爛埋........唔好快我地坐左一個圈返黎, 我就覺得呢個車程麻麻地, 睇既野好少...成段見
樹既時間有 85%.....悶到抽筋...
落左車之後, 婆婆話有個 3D 劇場好玩有曲奇餅味, 咁我地見小熊維妮個度仲未夠鐘就去睇下啦, 係門口派左 d 立體
眼鏡, 我地都一人羅左一副. 嘩真係正, 成個戲院冇乜人, 大把位任坐. 我地當場坐中間啦. 開場啦. 真係好立體播 d 野
飛出黎咁. 咁我再望 mingming , ha ? 佢戴住個眼鏡見到 d 野試下捉, 之後又除左副眼鏡望下, 又戴返睇下, 好似研究
緊咁樣. 依? 真係有香味架播有d蛋糕, 餅味. 又有 d 風吹出黎, 吓...仲有水o即出黎...唔係嘛又係水...唔通今日利水 ?
睇完之後我地去玩 winnie the pooh 啦, 走到去 fastpass 個度, 個職員話..宜家都冇咩人唔洗用 fastpass 架啦, 去返正常掛
隊個度啦.. 哈哈又傻仔左一次. 咁我地 5 個人坐同一架車, 我諗今次唔會好似個個太空車咁激呱 呵呵...坐完之後, 我
諗住都買返張相, 因為覺得幾難得一齊坐, 都值得買張留念. 點知....個張相..5 個人都冇人望鏡頭..睇唔到樣點買.......
之後我地見都仲有一段時間先有城堡煙花睇, 咁我地順路玩埋咖啡杯, 玩之前綠姨已經話唔想玩, 會暈.
咁我話唔怕啦, 我地唔轉咪得羅, 咁我地5個人又一齊坐係一個杯度啦, 呵呵, 之後我奸笑, 仲話你地已經
上左賊船. 當然我點會咁順灘呀, 梗係起勢咁轉啦~~~~!!! 佢地 3 個老婆, 綠姨同婆婆已經話投降.......話好
暈呀..唔好再轉啦.....想嘔.., 但係我同mingming 冇事 ! 因為我地經過長時間訓練羅, 平時係屋企我都會捉
住 mingming 係咁轉. ( 因為轉緊...冇時間影相 )
好啦我地都係時候去搵個靚位準備睇城堡煙花啦. 嘩個城堡真係好靚, haha 我見到前面個 BB 係度喊,
喊個時左邊鼻哥吹大波, 之後到右邊...左邊... 真係幾好笑. 好啦差唔多夠鐘, 婆婆話咁多人一陣好難走
架, 我地行後 d 睇啦. 於是我地撤退到美國小鎮大街度睇, 我抱住 mingming, mingming 都成日叫住
"bomb bomb bomb..." 咁, 因為71回歸個次我都有帶佢睇過. 過左冇耐, 我地邊睇邊撤退, 我覺佢放得都
幾靚, 不過冇想像中咁大規模, 又係既, 下下用新年, 回歸, 政府放個d 煙花比, 梗係有分別啦. 呵呵, 我地
成功做左第一批走既人, 唔洗同咁多人逼, 婆婆係得既 ! mingming 今次都玩得好開心, 仲渣實 d 地圖, 時
候表唔放添. 之後我地約左拔拔係青衣食晚飯添 !
-完-
11月22日 去廸士尼做足準備, 開心好玩至岩我地~~!!人生真諷刺...想起當初我廿歲出頭個時同個frd去日本旅行, 去到東京廸士尼個 part
我地一齊同個導遊講話唔去, 仲同佢講我地轉做自由時間, 個時個導遊都想盡辦法
想說服我地, 又係既..如果個團唔見左2個人佢又幾大獲....不過由於我地堅決唔去..
所以佢都冇我地乎....咁我地 2 個小伙子就去左涉谷,淺草,銀座...等等四圍咁去
好, 講返正題, 可能有兒女個人心境都細路D, 今次真係好有衝動同興趣去一去,
陪個女玩係唔同既, 經過一個月既籌備已經計劃好下個星期一, 姐係 11月26日
去香港廸士尼, 我諗都有幾多野岩個女睇, 例如城堡煙花啦等等, 今次我特登搵
多幾個人一齊, 已經叫左綠衣, 同婆婆去, 本應叫埋麻麻點知佢話咁晏去唔底窩.
第二日佢又要去台灣,所以唔去, 點解叫咁多人? 如果得我同我老婆去..我諗天未
黑我兩個已經四肢殘廢...咁梗係搵多 d 幫手啦, 同埋有時 mingming 唔岩玩既野,
我可以比婆婆奏, 等我同我老婆去拍下拖玩下. 我諗住買多張 xd 卡影多d相放上黎. 11月21日 粥谷今朝無聊睇粥谷搵到單咁既野..雖然係舊聞, 不過都笑死, 哈哈哈
[轉貼]
觀塘翠屏北村翠樟樓，下午一點發生扑頭劫案，一名78歲婆婆，
外出返回住所門口時，被一名身裁健碩男子，從後用硬物扑頭，
受傷暈倒地上，身上一條約值二千元金鍊被搶去。事主媳婦聞
聲開門查看時，目睹匪徒乘搭 "直昇機"逃去，報警將家姑送院救治。
條 link 仲有得聽原文
11月9日 Flash game10月31日 Amelie 的朋友仔唔知係咪因為 Amelie 係女仔既關係..佢真係鐘意玩d女仔玩既野播...
例如煮飯仔, 佢仲特別鍾意同幾個朋友仔一齊添, 等我介紹一下啦:
朋友一號 :
藍色個隻阿ming 叫佢做 monmon, 當阿ming 係北角既時候專門跟出
跟入, 阿ming 玩咩都會帶住佢, 玩煮飯仔時..阿ming 鍾意煮比monmon
食...不過阿ming 好鍾意煮辣野佢食....都唔知點解..阿ming 自己好怕食
辣野..但就比晒d辣既佢食..有時仲話辣mon窩...玩就一齊,不過唔會帶
佢去街.
朋友二號 :
個個咪 Noddy 羅, 係將軍澳時負責做磅樣, 例如食飯時會餵埋佢一齊
食, 等阿ming, 都喂佢食多d, Noddy 主要都係做教學方面, 不過 mingming
唔會同佢一齊訓架...佢有個固定既朋友同佢訓...
朋友三號 :
呢舊野....我都唔知係咩黎, 綠色一條咁, 不過mingming 叫佢BeBe....
訓覺個時要預埋佢...
<<暫時講咁多, 有待日後跟進, 呵呵~>>
緣份唔知道係咪我懶, 其實我冇咩動力寫Blog, 我想有我覺得有想寫既野先寫.
我老婆話, 我成日唔 update d 熟客走晒窩......... 到底係我唔留人呀, 還是係
d 人要走呢 ? 我唔會諗呢個問題, 因為我份人比較隨緣. 緣起時,相聚自然;
緣滅時, 各散東西. 天下無不散之延席嘛. 最重要既係個延席精唔精彩. 千
其唔好係不歡而散. 人生都係分階段, 人生唔同既階段就識到唔到既人.
各位鄉親父老, 叔伯兄弟, 大嬸小姐, 既然有緣來到舍下, 不防留返個字.
呵呵~~~ 又賣廣告 10月11日 母親的困惑呢輪老婆因為公司 d 事所以心緒不靈, 因為佢公司宜家加多一條規矩 "負責制".
姐係有咩閃失要賠返條數比公司補賞公司損失, 其實我覺得呢 d 規矩好有問題
不過我未得閒打去勞工處問, 暫且又佢. 咁今次又咁橋..幾個地方出錯, 總公司
我老婆個部門, 導遊..等等...結果攪到個客去錯機場, ...要臨時買過張機票. 你知啦
我老婆公司d客非富則貴, 下下頭等...如果要追究邊個要負責..咁我老婆就好易" joe yeung"
因為個 file 佢負責..咁..再要配合返個"負責制"..姐係要賠返張機票比個客啦, 仲
聽講一改左機票,其他都唔用得, 簡單d講姐係要賠全程既機票...老婆知道左之後
都心神彷彿,唔知點算, 後尾佢鼓起勇氣計劃打去美國總行問. 就係禽晚我老婆同我講話
mingming 今晚要早d訓, 因為要打電話過美國. 平時 mingming 冇11,12點都唔會訓.
禽晚真係好似聽到媽媽講咁, 佢一沖完涼就訓著左, 媽媽沖完涼出黎都嚇左一跳
mingming 咁早就訓左. 之後打左去, 總行話同佢攪. 到左朝早, mingming 仲好早起左身
同媽媽笑, 要媽媽抱, 係咁痴住媽媽, 後尾仲同媽媽 say bye , 媽媽就好開心返工啦,
之後今朝收到佢 msn 話 單野攪掂左啦, 婆婆知道左仲講笑咁話, 係咪 mingming 訓覺個
時同媽媽攪掂單野. 9月3日 話舊事..集體回憶星期六晚去左西貢食海鮮, 嘿嘿有老細請, 唔比自己比.
其實食咩都好, 我覺野食都係其次, 最主要係都係同班
frd 傾下計見下面. 傾傾下諗返以前好多一齊玩時既事.
不過我知道呢d時間再唔會發生, 今時今日各有各忙, 仲
點可能似以前咁, 一返到屋企就開機搵 frd 一齊玩到天昏
地暗呀, 往事只能回味........ 為左大家都有 d 集體回憶,
所以我想用文字記錄底, 或者係我七老八十既時候, 忽然
入返黎呢度, 比我睇返我宜家所打既野, 我諗個時都會會心
傻笑.
事件一 : 其實我打機唔叻, 一d考返應呀, 技術呀, 我一定唔
掂, 我打機係打心機耐性. 有一類 game 我一定係
最差個幾個, 就係 real time 戰棋. 不過我又好鐘意玩,
同班 frd 一齊打會好 happy, 不過最憎一對一 , 我實
輸既..仲會比人凌辱...... 呵呵, 不過世事無絕對 !
我有一次同 0c 打 war3, 唔知佢個時同人傾緊電話呀,
定係唔好彩比 npc 打佢, 竟然我清左佢個 base, 嘿嘿.
之後我又好衰地, 我唔會再同佢一打一呢一隻 game.
我要唱佢成世, 佢輸比我,呵呵呵~~~~
事件二 : 呢件事其實我係之前都係 news group 度講過. 不過再
講啦, 第時都有得笑. 話說我同 0c 同 uf 一齊玩 sc ,
姐係 star craft , 又係一隻即時戰略 game. 咁我地 3 個
一齊對人地 3個. 呢單野全因一個英文字 scout , scout
係解偵察或搜索, 不過係 sc 度...係有另一個意思.......
為左表達得有神緒d 我用返對話形式. 不過事隔太耐
我盡量表達返個意思出黎, d 字眼可以有唔同.
個 game 一 start , 各有各忙. 我都正努力快d起兵打人.
就係呢個時候.............
uf : 32 scout
32 : ? what ?
uf : scout
32 : ok......
已過 2分鐘
uf : 32? scout .......
32 : scouting !!!!!!!!!!
再過 5分鐘
uf : wtf why u no scouting
32: $@#! u blind ? u no see my base ?
uf : ....................
uf : i need u go scout not build scout
0c : ......
32 : ..........
我之前講 star craft 既另一個解釋 souct 就係其中一樣 star craft 既 unit : 飛機名.
事件三 : 唔唔...唔知點講, 諗到就再講啦 !
8月31日 估唔到...我對聽歌既感覺好奇怪, 我唔會因為因為邊個唱得好聽, 就會鐘意個一個歌手.
我都係憑感覺, 感覺首歌既歌詞比唔比到一個岩我既感覺, 其實呢類既感覺,
好難講得明, 就好似你鐘意一個人咁, "Love is blind" . 如果真係要數歌手, 我會
話我鐘意既有譚詠麟同郭富城, 我諗譚詠麟係因為我細細個時身邊既人成日聽.
潛移物化既關係. 而郭富城我就覺得因為佢好努力, 所以我鐘意佢. 但係最近..
我發覺, 我鍾意既歌都有一個共通點, 真係我最近先發覺...填詞人係林夕, 我真係
估唔到...原來佢既心思咁 touch 到我既心靈.
8月28日 朋友何為【 朋友 】? 起初我以為以善去交友, 就係朋友之道, 一切要為朋友有好既得著為中心.
例如佢做左一d錯事, 我會叫佢唔好再錯落去, 就好似我初中時有一個朋友, 佢有一次偷左野,
我知道後叫佢唔好偷野, 話佢聽咁係唔岩. 我一路都係以咁既方式去同d朋友相處. 直到我睇
左志雲飯局劉德華個個飯局, 講到原來佢想要既朋友, 係一個無論做左咩事既人都支援佢.
唔係想要一個法官, 同佢分是非黑白令我即刻諗起之前一個朋友同我講過類似既話,“朋友唔
體諒我仲話我錯.”到底同朋友相處之道應該係點 ? 我就嘗試下問身邊既朋友, 睇佢地點睇.
發覺..個個都好理想, 義不容辭, 肝膽相照 掛晒係口邊. 但係我對呢d態度都好有疑問, 或者我
未明白個中意義. 朋友有困難係應該幫忙, 咁到底係點幫忙呢 ? 係我十八歲個年, 有個朋友
問我借錢落仔. 我個時都冇問佢d乜, 佢自己講比我聽好大獲, 我個時就借左我份雙量比佢.
到底..我咁做係咪叫義不容辭, 肝膽相照呀 ? 還是我係縱容佢包庇佢 ? 事後, 我自己都有內垢,
感覺好似幫兇. 有人同我講, 呢d人唔會係自己既朋友, 但係我又唔明白..咁你識佢之前就已經
知道佢係咩人 ? 我覺得唔可能的. 我唔識預知未來. 我估計唔到我身邊既朋友會發展成點. ,
你只可以係發生事後選擇同唔同佢地再維持呢個關係. 我宜家睇緊星雲法語, 睇下會唔會有
不過唔講唔知, 本來睇【 朋友 】呢兩個字好簡單小學已經識, 原來個個人既底層領會係唔同.
聽過好多講朋友既歌詞都係講朋友係好野黎!“情同兩手一起開心一起悲傷彼此分擔總不分
我或你.”“大家舉杯痛飲 大家一再互勉.” 到底係我地對【 朋友 】呢樣野各有要求呀 ?
還是要符合某d條件先叫【 朋友 】呢 !?
|
Amelie 成長印記
|
|||
|
|
